Akvakulturregisteret innheld ei oversikt over akvakulturløyver og ein del vesentlege vedtak knytt til desse. Det inneheld også ei oversikt over overføringar, pantsettingar og andre rettar som er tinglyste på løyvene.

Registeret for utøvarar av alternativ behandling er viktig for alle som treng opplysningar om registrerte utøvarar og om utøvarorganisasjonar.

Altinn er ei felles løysing for elektronisk dialog mellom næringsdrivande og offentlege myndigheiter. Næringsdrivande kan sende inn skjema gjennom nettportalen eller direkte frå verksemda sine datasystem, og dei offentlege verksemdene kan sende meldingar attende. Altinn blir forvalta av Brønnøysundregistra.

EMAS- Eco-Managemant and Audit Scheme – er ei frivillig ordning for miljøregistrering av verksemder i EU som betyr at verksemda går lenger i miljøarbeidet sitt enn det som er lovfesta. Gjennom EØS-avtalen kan og norske verksemder vere med i ordninga.

Registeret samordnar opplysningar om næringslivet og offentlege etatar som finst i ulike offentlege registre, og som er gjengangarar på spørjeskjema, og sørgjer for at opplysningane blir samla på ein stad.

Registeret inneheld avtalar mellom ektefeller som regulerer formuestilhøve på andre måtar enn det som automatisk følgjer av lovverket. For at ektepakta skal få rettsvern andsynes eventuelle kreditorar, må ho tinglysast i Ektepaktregisteret.


European Business Register (EBR) er eit europeisk nettverk for utveksling av føretaksopplysningar. EBR gjer offisiell informasjon om europeiske selskap tilgjengeleg online over heile Europa, på tvers av barrierar som kan oppstå som følgje av ulike språk, teknologi, lovgjeving og liknande.

Registeret har ansvaret for registrering av alle norske og utanlandske føretak i Noreg. Registeret skal sikre rettsvern og økonomisk oversikt. Alle næringsdrivande føretak pliktar å registrere seg i Føretaksregisteret.

Registeret skal betre og forenkle samhandlinga mellom frivillige organisasjonar og offentlege myndigheiter. Registeret skal også sikre systematisk informasjon som kan styrke legitimiteten til og kunnskapen om den frivillige aktiviteten og leggje til rette for den offentlege politikken andsynes frivillig sektor.


Oppgåva til Gebyrsentralen er å registrere og fakturere bilag som grunnlag for føring av rekneskap og krevje inn gebyr til staten. Det gjeld gebyr for tvangssal, utleggsforretningar og andre tvangsforretningar som blir utførte av lensmenn og byfogdar.

Registeret inneheld opplysningar om kven som har fått innvilga gjeldsforhandlingar og gjeldsordningar. Det inneheld også opplysningar om kor i saksbehandlingsprosessen ei sak er.

Eit register over personar som har kvalifisert seg til å drive jakt i Noreg, og ei oversikt over kven av dei registrerte jegerane som har betalt jegeravgifta. Jegerregisteret inneheld også opplysningar om personar som er frådømd jaktrett for kortare eller lengre tid.

Konkursregisteret inneheld opplysningar om konkursbo og tvangsavviklingsbo. Registeret inneheld sentrale opplysningar om kvart bu, blant anna kven som er eller har vore dagleg leiar, styreleiar og revisor i eit konkursramma føretak, og om styreleiar, dagleg leiar eller innehavar har roller i andre føretak på tidspunktet for konkursopning.


Lotteriregisteret er eit landsdekkjande register og saksbehandlings- og arkivsystem for forvalting av lotterimarknaden i Noreg. Det er Lotteritilsynet i Førde som har ansvaret for Lotteriregisteret, i samarbeid med Politiet, men registeret blir drifta frå Brønnøysundregistra.


Lausøyreregisteret er et tinglysingsregister for rettar og pant i lausøyre. Ei tinglysing medfører at retten eller pantet blir registrert som hefting på den personen eller det føretaket pantekravet rettar seg mot. Tinglysing gir rettsvern andsynes kreditorar.

Hovudoppgåva til Oppgåveregisteret er å halde løpande oversikt over næringslivet sine oppgåveplikter til det offentlege, og å finne høve til samordning og forenkling. Målet er å hindre overflødig innsamling og registrering av opplysningar, særleg med hensyn til små og mellomstore verksemder.

Partiregisteret er eit register over politiske parti. Hovudmålet med registerordninga er å gi politiske parti høve til å skaffe seg einerett til et partinamn. Registreringen i Partiregisteret dannar grunnlag for kven som kan representere partiet andsynes valmyndigheitene.


Rekneskapsregisteret er den viktigaste datakjelda for alle som ønskjer å orientere seg om den økonomiske tilstanden i norsk næringsliv. Innsendingspliktige føretak skal kvart år sende inn årsrekneskap, årsberetning og revisjonsberetning innan ein månad etter at det er vedtatt. Målet med ordninga er å sikre økonomisk tryggleik og effektivitet.

Reservasjonsregisteret skal gjere det enklare for privatpersonar å reservere seg mot at adressene deira blir brukt til adressert reklame i posten eller til telefonsal.