Altinn skaper verdiar
Tid er pengar heiter det, og i 2012, som årene før, bekrefta storparten av norske bedriftsleiarar at deira bedrift sparer tid på bruk av Altinn.
I bedriftene vert det blant anna nytta mindre tid på å fylle ut skjema, det er betre arbeidsflyt mellom bedrifter og revisorar, og dei nytter mykje mindre tid på å sende og få skjema i retur. Ei undersøking blant bedriftseigarar i landet, syner at 94 prosent ønskjer å finne alle offentlege skjema i Altinn.
Lovpålagt rapportering kostar kvart år norske bedrifter 54 milliardar kroner, eit tal som skal reduserast med ti milliardar kroner, i fylgje regjeringa. Altinn er, som ei digital løysing, del av forenklingsarbeidet som gir innsparing, og på denne måten større gevinst til bedriftene.
Sidan starten i 2003 har 80 millionar digitale skjema og 36 millionar meldingar passert meldingsboksen til Altinn. Per utgangen av 2012 innehaldt Altinn 424 digitale skjema og tenester som hele 3,4 millionar unike brukarar har logga seg inn for å bruke.
