Hjelp til etablerarar
Informasjonssidene «Starte og drive bedrift» opna i november 2011, og fikk raskt stor trafikk, heile 3,9 millionar gongar klikka brukarar seg inn på sidene i fjor.
Sidene gir informasjon og støtte til dei som skal etablere ny bedrift, og den største delen av trafikken går inn på emne innan startfasen. Her finn nye føretakseigarar korleis ein skal førebu start, velje organisasjonsform og registrere føretaket. Men mange vil ha informasjon prosessen vidare, og finn emne om sjølve drifta av føretaka.
Malar
Ei av dei mest populære tenestene på Starte og drive bedrift i 2012 var lasting av dokumentmalar. Desse malane handlar om ei rekkje ulike område som er viktig innan drift, som økonomiske nøkkeltal, forretningsplanar, aksjonæravtale, stillingsinstruksar og korleis gjere intervju for tilsetting. Alle som ønskjer det, kan laste ned desse malane, og bruke dei i den daglege drifta.
Starte og drive bedrift er eit samarbeid mellom fleire etatar. Mellom anna Skatteetaten og NAV legg ut informasjon på sidene.