Bank og finans set fart i digitaliseringa
Delen av elektroniske registreringar ved Lausøyreregisteret låg i 2012 på om lag 20 prosent, med nærmare 490 000 behandla dokument.
Det er venta at delen av elektronisk saksbehandling vil auke med ytterlegare 20 prosent i 2013.
Lausøyreavdelinga sine løysingar er klare til å ta imot og behandle elektroniske dokument i stort omfang, men hittil har utviklinga med auka bruk av elektroniske dokument gått tregare i samfunnet enn vi ved Brønnøysundregistra har venta. Dette gjeld særleg innan behandling av lån, noko som har stor vekt for oppgåvene ved Lausøyreregisteret.
Bank- og finanssektoren jobbar hardt med å få sett fart på den elektroniske behandlinga si, både når det gjeld opptak og sletting av lån. Blant anna er det i gang eit arbeid for å få gjort endring i tvangsfullføringslova, slik at fysisk og elektronisk signatur blir likestilt. Så snart dette er på plass, vil det kome ein monaleg auke av elektroniske dokument til behandling i Lausøyreregisteret.